卡拉屋企X歡樂今宵＝回憶返晒嚟

東網電視

更多新聞短片

相信係唔少人嘅回憶。

1/10

無綫深夜重播經典處境劇《卡拉屋企》，好多人都捱眼瞓追看，因為戲入面演員「泰臣」吳鎮宇、「黃蒂」李婉華、「白頭佬」楚原、「肥媽」盧宛茵、「失魂菲」黎海珊、「發記」鄭敬基、「肥舅」父秦煌、「劉青山」歐陽震華，個個都好生鬼。

TVB FACEBOOK專頁揀番一條1991年《歡樂今宵》嘅片段，見到一班演員上晒去做趣劇，真係回憶返晒嚟！不過趣劇入面楚原就曹殃嘞，先後被吳鎮宇、黎燕珊、盧宛茵多掌摑兼撞低。之後又被余慕蓮、梁榮忠、羅國維審犯，當佢係強姦犯仲將佢推低落地。最後，楚原仲要被歐陽震華捉姦搵刀斬，做演員真係好辛苦，不過身為導演嘅楚原都話「Easy Job」，冇問題咁話，真係專業。

片入面都有啲大家可能遺忘咗嘅人物，當中翁杏蘭其實係1990年香港小姐亞軍，仲係「國際親善小姐」、「最受佳麗歡迎獎」得主。而翁為德（前名翁慧德）係1989年度香港小姐「最上鏡小姐」及「最佳泳衣演繹獎」得主，不過1999年就嫁咗畀演員鄒兆龍，生咗一對孖仔同一個女添。

網民有話兒

MXXS and TX：泰臣表哥你攞獎，你加料，好有回憶呀。

CHANS XXXX：美好的回憶。

WHYYYY MENXXXX：失魂菲好正，當年冇得輸。

Xer APERXXX：盧宛茵、鄭敬基，點解可以咁多年都冇變過?

jxxx pxxl：點解POPEYE冇出場，好掛住佢。