四仔女星料開咪大爆與珍妮花未婚夫偷食

荷里活歌影視紅星「籮霸」珍妮花露柏絲（Jennifer Lopez）的前棒球巨星未婚夫Alex Rodriguez（A-Rod）上月被爆「勾義嫂」偷嗒前隊友索老婆。之後亦有一名成人雜誌《花花公子》（Playboy）前模特兒兼四仔女星Zoe Gregory向英國傳媒爆料，指A-Rod與「籮霸」訂婚前幾星期曾同佢大玩情慾短訊，A-Rod更提議安排同佢及「籮霸」玩3P！據知Gregory今日將會開一粒鐘成人現場網上節目，屆時相信佢會被網民問到佢同A-Rod偷食一事。<br/><br/>與此同時，「籮霸」昨日接受電台節目《The Breakfast Club》訪問時亦首度回應上月未婚夫前隊友Jose Canseco爆他偷食其前妻Jessica一事。她說：「唔緊要。我知道個真相。我知（A-Rod）個為人係點，佢亦知我為人。我哋相處得好開心。我哋唔需要其他人出嚟話畀我哋聽我哋嘅關係係乜一回事...我知道我哋嘅關係係點？」