66歲生日被女圍！「六美」伴志偉

藝人曾志偉今個月14日將踏入66歲，向來佢同張嘉兒、陳爽、張美妮同孟瑤老友鬼鬼，四位人妻每年都會抽時間約佢食飯同佢慶祝，雖然張嘉兒同張美妮就快「卸貨」，但仍然出席，認真畀面！相中見佢哋除咗為曾志偉預備生日蛋糕之外，仲送咗個印住「Super」嘅行李箱，好有心思。

張美妮話每年曾志偉嘅生日，係大家最期待嘅聚會，仲話今年連埋佢同張嘉兒肚入面嘅BB，有六個女仔同佢慶祝，真係六美相伴：「Happy birthday to 阿爸！每年阿爸的生日都是我們最期待的開心聚會，祝福身體健康、日日都咁開心呀！今日其實係有六個女仔同阿爸慶祝生日吖！Super～～」