出軌首開腔!黃心穎:我對唔住馬國明

2019年04月17日 12:53
東網電視
更多新聞短片
黃心穎首度回應偷食事件。

黃心穎偷食許志安事件爆出後,昨日安仔晚上7點舉行記者會交代,聲淚俱下鞠躬道歉,今日事件女主角黃心穎終於開腔!

無綫助理總經理(藝員管理及發展)樂易玲表示:「尋日好多記者搵我,我話想沉澱一下點去處理這件事,同公司及同事商量點去回應。昨晚同心穎傾咗好耐,佢好後悔好後悔,佢知道自己犯咗好大嘅錯,佢好對唔住受牽連嘅人,特別係父母及家人,對唔住公司,對唔住馬國明同馬國明嘅屋企人。呢一刻佢嘅情緒仍然未平伏。公司覺得佢需要休息一段時間嘅。」

另外,講到馬國明情況,樂易玲則說:「佢OK,大家唔使擔心佢。馬國明佢好乖,佢自己要求繼續開工,叫大家唔使遷就佢,所以佢今晚會繼續如常開工拍攝《降魔的2.0》的外景。」