《溏心風暴》合體!鍾嘉欣帶仔女見大契

2019年04月27日 19:14
東網電視
更多新聞短片
好溫馨呢!

藝人鍾嘉欣近日帶埋一對仔女回港,趁機同唔少朋友聚一聚。今日嘉欣就同以前合作過劇集《溏心風暴》嘅演員見面,當中「鮑飽」夏雨、「大契」李司棋同埋「莉姨」米雪都有出席。大合照時,米雪仲抱住嘉欣囝囝Jared,而囡囡Kelly就好乖咁坐喺度,大家都笑得好開心,相信呢個飯局大家一定傾得好高興喇!嘉欣亦感性以英文留言:「喺我入行TVB最初嘅階段,我好幸運能夠同呢3位咁出色嘅前輩工作,佢哋教識我好多關於做戲嘅知識,同埋感謝佢哋對我嘅愛錫,好開心見到佢哋同Kelly和Jared嘅互動。」網民話睇到呢個《溏心》組合真令人懷念,仲問佢哋幾時先齊人再合作!