東網電視
更多新聞短片
TVB劇集主題曲成日畀人抨擊，首當其衝被抨擊嘅係製作唔少主題曲嘅張家誠（Alan）。
1/7
自從TVB嘅電視劇主題曲由製作人張家誠（Alan）、徐洛鏘同張美賢主理開始，網民稱佢地做「罐頭歌」。網民就話因為近年劇集歌好多時歌詞都會重覆用，例如「物轉星飛」、「望穿秋水」等等，而且曲風類近，似乎冇乜大變化咁話。但其實備受網民指摘嘅劇集歌御用創作人張家誠，以前都有好多其他歌，例如鄭融2006年推出嘅大熱金曲《紅綠燈》。馬上回一回帶，睇睇張家誠劇集歌以外嘅其他作品，可能有你曾經好鍾意嘅歌都未定！
公平啲，其實佢都寫過唔少經典歌嘅！
原來連《紅綠燈》呢首咁經典嘅歌都係Alan作㗎！
唔少吳若希（Jinny）同菊梓喬（Hana）嘅歌都係出自佢手筆！
通常劇集歌係由張美賢填詞，佢啲詞其實都幾有意思，例如「道別為他朝釀更美重逢」。
唱片公司星煥國際未改組成星夢娛樂之前，Alan已經幫Jinny寫過唔少歌，例如《我懂了》。
不過張美賢填啲詞成日都畀人話詞語重覆用，例如「物轉星飛」。
