占基利回歸！真人版《超音鼠》電影預告出爐

被抑鬱症及官司纏繞多時的諧星占基利（Jim Carrey）終於有新作出爐，仲係話題遊戲《超音鼠》嘅改編真人版電影《Sonic the Hedgehog》，話題電影首個預告近日曝光，除有「超音鼠」以音速奔跑，仲有遊戲中嘅聲效，為粉絲送驚喜！

占基利於片中飾演邪惡科學家博士，奉命去捉「超音鼠」，於預告一出場就串爆放笑彈，不過用晒高科技同飛彈圍捕「超音鼠」以及其人類好友James Marsden都徒勞無功，似乎電影中會見到雙方連場搞笑惡鬥，而預告中亦有James用袋裝起「超音鼠」，一度令人以為綁架小朋友，場面搞笑！雖然電影以「超音鼠」為焦點，不過占基利於短短幾分鐘預告已經勁搶Fo，同樣令粉絲勁期待！