關西扮日本官員　周奕瑋偷橋惹誤會被Cap圖

無綫藝人周奕瑋（Jarvis）因拍攝東京旅遊節目而打響知名度，早前他帶隊到關西用一個月尋找當地風情，《周遊關西》節目即將推出，宣傳片亦已見街。短片按照月前日本公布新年號記者會而改編，Jarvis化身「官員」，負責揭開節目易名牌。

他笑說：「條橋係公司度嘅，無論擺設、服飾都好認真咁跟足當時嘅記者會。日本公布新年號嘅時候，我咁啱喺當地拍緊呢個節目，我都有坐定定睇新聞，估唔到依家自己會成為『主角』。條片出街後好多朋友以為我咩事上咗新聞節目，又有人Cap圖畀番我睇，但我本身忙緊後期工作，直至依家都冇喺電視睇過條片。」談到宣傳片引起網民關注，Jarvis笑說：「都係好意頭，受歡迎算係個好開始嘛！」