【娛場】吳千語：佛系愛情 錯的時間對的人

「遇到對嘅人，但係唔係自己最好嘅時間，呢種就係無緣囉…」吳千語道。

17歲入行，吳千語（Karena）不經不覺已經入了娛樂圈9年，由那個青澀非常的「開心少女」，漸漸散發着濃濃的女人味，但回想當年等一次拍戲，千語就用發夢來形容：「拍『開心魔法』時，真係唔知做緊乜！乜都唔識，可能我本身嘅性格關係，由細到大都唔怕陌生，內心就算好滾動，表面都係好平靜，而入咗娛樂圈，的確係令我成長得更快！」

而Karena自言是一個百份百的「吃貨」！愛好尋找美食，對食亦有相當的要求：「我絕對係一個好好的旅伴，出發前一定做足資料搜集，當地有咩好食，幾時休館，主打菜式係乜，我都會check清楚，若果我嘅另一半對食冇要求嘅話，我真係會好痛苦！」

講到感情生活，千語坦言現在的感情狀態是單身：「愛情係好講Timing，曾經遇到對嘅人，但係唔係自己最好嘅時間，呢種就係無緣囉！」究竟這個曾經有人好愛好愛好愛好愛好愛好愛好愛的吳千語，現在怎看愛情？立刻收睇【娛場】啦！