奉旨畀女圍!陳錦鴻自爆片場唔捨得走

20190509
東網電視
更多新聞短片
陳錦鴻喺劇中艷福無邊,周旋三女之間!
藝人陳錦鴻、鄧萃雯、談善言、廖碧兒於ViuTV新劇《婚內情》中,關係錯綜複雜,陳錦鴻周旋眾女之間!於戲外,他亦笑言因美女如雲,令他在片場「唔捨得走」,他謂:「我好鍾意片場,因為平時唔可以同異性傾偈,畀人影到可能有誤會,不過片場就唔怕,我喺呢度可以奉旨攬雯女(鄧萃雯),拍晒就唔可以!我成日都話劇組係兄弟姊妹情,留低係互相扶持,有咩就可以幫手!」
於劇中,陳錦鴻經常充當四人的司機,他表示當拍劇是娛樂之一,可以載幾位美女份外興奮:「平時我都係做司機,不過坐隔籬就係個仔,今次係幾位美女,所以更加開心囉!」
講到他與對手談善言拍攝的頭點頭打桌球曖昧戲份時,陳錦鴻指靠對方帶領入戲,而劇本所寫的親熱情度根本「未入流」:「係有身體接觸之嘛,都未係親熱戲,未到我哋水平!其實我覺得拍親熱戲好似拍武打場口咁,事前要同導演夾清楚,個機位喺邊度,唔好擋到鏡頭。」
而談善言與陳錦鴻、雯女分別亦有親熱及對罵戲份,對於拍戲經驗尚淺的她來說絕對是越級挑戰,她亦直言獲益良多:「陳錦鴻好知道自己要乜,佢有好多理論去支持,好條理知道呢場戲要點做。雯女就柔情好多,佢會睇你點做先,之後先諗點接你台戲,所以完全係兩個方法,我喺佢哋身上學習。」
她又透露一開始與陳錦鴻開工感壓力,幸得前輩教路放鬆心情:「錦鴻一直叫我放鬆啲,知道佢好玩得,所以都放心同佢做對手戲!」好又大讚雯女好認真:「佢每次睇Playback都會有微調,要清楚角色前文後理先知點做戲,真係勁專業!我家人同朋友其實都係雯女、錦鴻Fans,知道我哋合作都有問可唔可以嚟探班,我當然拒絕怕打擾佢哋。」