曲線讚唱歌掂　張衞健拍片撐漢洋開騷

歌手漢洋將於五月尾在旺角麥花臣場館舉行《漢洋友共情三十載演唱會》，在娛圈打滾三十年，如今開騷當然有大班圈中好友支持，當中包括：張衞健、佘詩曼、吳岱融、麥長青、張立基、盧惠光、楊卓娜等紛紛拍片撐好友，個個都花足心思，其中，張衞健更笑言：「我未見過一個歌手，唱得好又唔開演唱會，開得演唱會又會唔爆嘅，我真係從未見過。」曲線讚漢洋唱得好應開演唱會，並預祝演唱會會大爆，真的很有意思！