東網電視
更多新聞短片
祝福佢哋！
1/13
賭王何鴻燊四房兒子何猷君，與中國超模奚夢瑤拍拖以來感情穩定，早前曾傳出女方懷孕消息，但猷君強烈否認，今日傳出猷君將會在上海尚嘉中心向女友求婚，該名爆料者自稱有朋友在大廈內上班，他指今天商場停業，布置求婚現場：「據說是27樓的小何公子今天（5月13日）要求婚，清了三層樓，有九萬九千九十九朵玫瑰做現場布置，還有舞台用作表演。」有媒體向奚夢瑤求證，對方沒有否認，只是說：「不好意思，不方便透露。」令到求婚一事更似層層。
消息一出，網友議論紛紛，主角猷君即喺微博承默認求婚一事，仲話好在一早收起咗奚夢瑤電話，如果唔係就被「劇透」，他留言：「哎...昨晚籌備到早上5點，幸好一回去就把小明（指奚夢瑤）手機沒收了，不然一個多月準備的驚喜被你們全劇透。」真係要講番句恭喜呀！而四太接受東網記者電話訪問，問到仔仔猷君係咪向女友求婚？四太說：「佢唔講，我唔知，我淨係知有Party，知道佢有布置，不過我哋商場每個星期日都有布置啦！零售難做嘛，所以我唔知呀！」
現場有好多相流出，見到有猷君同奚夢瑤嘅大相，上面寫住「Now...For the grand finale（現在，我們一起走到完美的結局。）﹞非常浪漫！而現場二樓平台，聚集咗很多市民圍觀，等待奚夢瑤喺花海行出嚟！上海嘅媒體都已經到齊，商店陸續閂門。
而猷君用作求婚的大廈上海尚嘉中心因外形似「靴子」，也被稱為「靴子樓」，坐落於上海虹橋區，是賭王何鴻燊的物業，他和LVMH集團分別持有中心50%的股權，當年大廈開幕時，四太也有份去剪綵。
猷君與奚夢瑤拍拖以來感情穩定。
四太榮升奶奶！
劇透晒，奚夢瑤會唔會覺得冇驚喜呢？
相信奚夢瑤會喺度行出嚟！
猷君將會在尚嘉中心內向女友求婚。
心心長廊，好似結婚一樣。
好浪漫咁！
商店陸續閂門。
係真㗎！何家喜事接住嚟！
城堡中央仲有大電視，山頂嘅朋友都見到。
準備好晒，只欠奚夢瑤！
好大個I Love You。
