袁偉豪笠黑絲襲旺角　途人以為打劫！

由惠英紅、姜浩文及袁偉豪等主演的《鐵探》早前高收視落幕，結尾創下33點收視佳績教台前幕後振奮不已。由於一眾演員早前承諾收視過30點會以行動答謝視迷，而日前惠英紅率先笠絲襪現身將軍澳買麵包，姜浩文亦接着「找數」，下午終於到袁偉豪現身旺角女人街「笠頭」，引來不少粉絲圍觀。

袁偉豪約於下午二時抵達女人街，起初他睇中一對黃色絲襪打算「有樣學樣」，後來才擔心物料問題會很難氣，行足整條街才找到一對「黑絲」作替代。他獲老闆打折、自掏腰包付款後，即將絲襪笠在頭上，然後由街頭行往街尾買台式飲品，途經之處有女檔販開他玩笑：「你咁樣諗住去打劫呀？」令袁偉豪哭笑不得。而袁偉豪難忘《鐵》劇以旺角警署為背景，拍攝時他們不時踩落旺角外景，今次「重遊舊地」份外有親切感：「勾起唔少回憶，見番啲街坊好好有親切感。」途中他不時獲粉絲大讚「靚仔」，「找數」後他再tag戲中拍檔蔡思貝及梁競徽接力。