《延禧》啟發做生意！佘詩曼揭王后霸氣心機

藝人佘詩曼昨日於上海出席其自家品牌Sh唇膏大型發布會，席間跟大家分享扮靚心得，吸引了大批市民圍觀。劇集《延禧攻略》不但令阿佘人氣爆升，還激活了她創立品牌：「我記得拍攝《延禧攻略》時，劇情由嫻妃做咗王后，無論服飾同妝容都要有變化，要令人感覺做王后嘅霸氣同艷麗感覺，所以嘴唇顏色要比之前紅啲，但我搵嚟搵去都搵不到我鍾意嘅紅色……結果，我就好似平時畫畫咁，將幾枝紅色唇膏溝出自己鍾意嘅紅色，當時心諗如果可以出到我鍾意嘅紅色唇膏，會好有滿足感。」

生日圓夢出唇膏

本月28日就是佘詩曼生日，終於得償所願推出自家品牌Sh唇膏，問到是否特別送給自己的賀禮？阿佘笑說：「《延禧》拍咗兩年，計計吓都已經一段時間，咁啱可以趕得切喺生日月份推出，絕對係送畀自己一個生日大禮嚟！」

令女士綻放光芒

阿佘又提及小說家張愛玲的一句話也對她有啟發：「『你可以不施粉，可以素面朝天，但至少要塗口紅，只要塗口紅就能讓整個人光鮮起來。』我都好認同呢個講法，我覺得唇膏就好似有魔法一樣，令成個人醒神好多，所以我今次揀咗十二種最鍾意嘅紅色，希望令自己同各女士們綻放出獨一無二嘅魅力同光芒。」