《鐵探》拍續集?惠英紅唔介意收平啲

2019年05月24日 22:32
東網電視
更多新聞短片
《鐵探》拍續集?

藝人惠英紅出席主演劇集《鐵探》慶功宴。談到收視達33點,她率先用絲襪笠頭「找數」,惠英紅說:「早知我會開口中,預測到收視有33點,咁我就噏夠36點啦。」原來當日她用來笠頭的絲襪別具意義:「係之前我買嚟出席金馬獎用,最後冇着到,值幾千蚊㗎。之前有諗過用黑絲,又揀過紅色嘅,最終決定用佢。太醜樣我唔得,不過最緊要大家開心啫。」晚宴上台前幕後都開口想拍續集,惠英紅直言「收平啲」都可以。她明天便飛到北京,「化身」慈禧拍攝一個推廣宮廷美食的節目,緊接會投入拍攝一套內地劇,預算要在內地逗留3個月。

講到老友許紹雄被指傳「艷照」給內地女網民求歡,惠英紅說:「我唔敢百分百否定,但可以話90%唔係佢!我有對過我同佢之間嘅微訊。戶口編號根本唔一樣。(佢話畀人網絡強姦喎。)幾十歲人有得畀人強都好吖,佢性格樂觀,最多咪反吓唇囉,之後冇嘢嘅。」原來數年前惠英紅亦曾被人盗用微博:「我拍劇要保密,好耐冇更新到,佢哋見我咁多粉絲咪盜用嚟賣廣告囉,最終我都攞唔番個戶口。」