溫馨百日宴!鄭嘉穎爆阿仔點解叫承悦

2019年05月25日 19:02
東網電視
更多新聞短片
鄭嘉穎同陳凱琳個仔話咁快就一百日大喇!

藝人鄭嘉穎同太太陳凱琳(Grace)勁錫囝囝鄭承悦,嘉穎仲稱佢為「皇上」添!轉眼承悦已經出世一百日,呢日兩公婆為佢搞咗個百日宴派對,並喺網上晒出多張相片,見場地布置咗唔少氣球同大象公仔,仲有好多唔同嘅糕點招待賓客。而一家三口齊齊合照勁溫馨,阿仔仲眼仔睩睩望實鏡頭,非常精靈!見嘉穎一臉冧爆咁攬到囝囝實一實,仲肉緊錫承悦個面珠仔,好有愛呀!嘉穎留言:「鄭承悦,爸爸媽媽為你改呢個名,係希望畀你一個承諾,令你每一天都感受到愛同喜悅,祝你一百日生日快樂!We love you so much!」Grace亦留言大讚兩父子:「Handsome father!handsome son!(靚仔爸爸!靚仔囝囝!)」

另外,「鐡馬家族」都有到場,黃嘉樂、馬國明、唐詩詠都有同承悦合照。唐詩詠抱住B仔,留言:「抱BB仔真係好緊張,個樣扮輕鬆,其實全身僵硬!買BB衫仔都好難,買細又驚着得唔耐,買大少少就變成咁,但你又着得好靚仔喎!同我又好襯喎!我個心俾(畀)你融化左(咗)啦!」