懲罰怪獸家長　蔡瀚億淨係今日嗌唔生B

藝人蔡瀚億（BabyJohn）於新戲《殘影空間》內飾演一名老師，而今早開鏡時拍攝一場重頭戲：「我嘅角色覺得做學生嘅怪獸家長們好有問題，所以想懲罰佢哋，場戲都好沉重，不過現場十幾二十位小朋友好搞笑，知道我演過啲乜不停咁問我嘢，搞到我好難投入。以前人哋問我生唔生，我會話順其自然，不過如果今日問我，我會話唔生。」

這部電影是他自組公司後首部作品，難怪BabyJohn坦言：「回想自己第一次做男主角嘅電影，都係同一老闆夏雨邀請我嘅，而今次自組新公司後嘅『第一次』都係交咗畀夏雨，覺得好有意義。」刻下他要兼顧公司的行政工作：「不過呢排要投入角色，其他嘢要麻煩經理人代為處理。」

另外，姜皓文於戲中扮演老差骨，與《五個小孩的校長》童星珠女再次合作，他驚訝對方長大了不少。他又透露稍後會到泰國拍攝另一新片，講泰文及普通話對白，但一聽到能夠與影后陳冲合作即相當興奮。