【大驚喜】前女排國手孫玥亂入《愛回家》

20190527
東網電視
更多新聞短片
前女排國手孫玥亂入《愛回家》!
無綫處境劇《愛.回家之開心速遞》大受觀眾歡迎,早前搵嚟歐陽震華客串演出,而今晚播出一集中,竟然邀請到前中國女排主攻手孫玥亮相演出。尋晚《東張西望》亦已經率先播放當日拍攝花絮,一眾演員拍攝打排球戲份拍得非常疲倦之際,孫玥就突然現身為大家打打氣,個個即時叉足電,更爭相同孫玥集郵。「大小姐」亦好大膽上前請孫玥同佢哋一齊練波,傳授幾招球技。
而熱愛打排球嘅呂慧儀(長腳蟹)今日喺社交網上載分別當日同6年前兩人嘅合照,話說長腳蟹喺2013年參加世界女排大獎賽時巧遇孫玥,當時佢亦有把握機會要求合照。相隔六年,長腳蟹再次見到偶像即時化身小粉絲攬實孫玥,仲留言:「只要喜歡 #心就不會變 #多少年都不會變 #喜歡就喜歡 #最緊要我喜歡」