金鈴獲頒女企業家獎　開辦學校推動教育

萬希泉大中華區董事兼「金槌拍賣官」金鈴出席國際成就獎2019頒獎禮，獲得女企業家大獎，她直言這個榮譽實在太大，感到何德何能：「可能我最大嘅成績係近20年有參與好多慈善拍賣做拍賣官，但呢個女企業家獎只係出發點，比我更有使命感將來做得更好，除咗參與鐘錶業，我將會喺杭州開辦國際學校推動教育。」

而美容達人鄭明明則獲頒終身成就獎，她表示心情很開心，多謝一眾好友支持，最希望跟屋企人及乖孫分享：「我個孫18歲，喺耶魯大學讀，佢知道我攞獎都好好奇、好開心。（將來會唔會叫佢幫你手？）佢有自己理想，等佢畢業先。」她表示自己在美容行業半個世紀，當年其實被父親反對入行，覺得是讀唔成書：「但其實唔係，美容業幫到人建立自信，我口號係愛與美同行，都希望多啲年青人入行，要堅持！」