林峯被爆已求婚　堂妹林夏薇：問番佢啦！

藝人林峯被指已向女友張馨月求婚，更會於林峯12月8日生日當日舉行婚禮，有指林峯於內地拍攝電影版《尋秦記》時偷走出去求婚。對此，有份拍此劇的演員如苗僑偉、郭羨妮、滕麗名都表示未有聽聞，郭羨妮更謂：「冇聽過喎！不過我當然希望阿峯佢娶個好老婆啦！我都有見過佢女朋友嚟探班，但我都同阿峯講，都未睇清楚佢女朋友個樣，因為拍緊嘢唔會咁張揚。」而之前林峯曾帶張馨月與長輩苗僑偉（三哥）吃飯，而三哥表示未聽聞過林峯求婚，坦言不方便評論。

而林峯的堂妹林夏薇則回覆謂：「我冇聽過喎！咁要問番阿哥啦！」