郭子豪醉駕案 被判服務令及停牌一年

2019年06月11日 14:08
東網電視
更多新聞短片
郭子豪被判服務令及停牌一年。

早前涉醉駕的藝人郭子豪,被控於血液中酒精濃度超過訂明限度的情況下駕駛汽車(第二級),今午於九龍城裁判處接受宣判,大約於2時許,郭子豪於經理人陪同下到場,期間也有停下給在場傳媒拍照,但表情肅立,不發一言,及後未有訪問便匆匆進入法院。

案件宣判,法官指郭子豪的感化報告正面,他亦有悔意,加上屋企人好支持他以及這件事對他的工作亦有所影響,應上了一課,會明白自己犯錯不會再犯,故判社會服務令90小時,停牌12個月,並需自費上駕駛改進課程,才可取回車牌。

約下午3時,郭子豪於裁判處門外接受訪問,問到現時心情如何?他說:「終於告一段落,錯就要認,打就要企定,都會遵守判決,乖乖做人、做藝人,做唔同角色,用正面勤力形象,做番啲成績畀大家睇,努力工作。(對判決咁輕,覺得執身彩?)法律我唔識,都會尊重裁決,感恩呢個司法機構畀我改過機會,我會乖乖遵守社會服務令。(鬆一口氣?)都未,會尊重番個司法機構嘅承諾。(以後唔飲酒?)唔會飲酒同揸車兩樣嘢一齊進行,呢行飲酒應酬都好難避免。」

案件編號:KCCC1430/2019


---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。