家暴過後！迪子寄情音樂唔亂諗

歌手迪子逾半個月前不幸發生家暴事件，其面及鼻均告受傷要入院醫傷，休息過後後，現傷勢已無礙，日前更「復出」社交網，見其鼻又挺又直，面上未見傷痕，相信面部傷勢已痊愈。她日前接受電話訪問時表示：「個鼻冇乜事啦，本來6月我諗住返韓國執執個鼻，但我覺得唔需要啦，雖然有啲人因為貪念，會永無止境咁整容，不過我識適可而止，只係8月時要返韓國整牙，順便同台灣藝人喺嗰邊開live騷。」

至於心靈創傷可同樣康復？她表示心情總算平靜了，只是夜闌人靜時，在胡思亂想下會傷心到流淚，為免情緒再低落，惟有將工作充斥思緒：「依家寄情音樂啦。」透露現忙於跟不同地方的音樂會搞手傾巡唱，還和曾參加內地歌唱比賽「中國有嘻哈」第一季參賽者徐真真合作一首歌，現預計8月推出，她說：「因為我係one man band，所以導演、化妝、整頭、道具都係我一個搞晒，所以都好忙。」