Happy Live出動！翟威廉心郁想出歌

藝人翟威廉、周志文及陳苑澄（Tania）以組合「Happy Live」身份到沙田出席慈善活動，「Happy Live」經常以不同陣容開Live獻唱，威廉透露有意推出原創新歌，由他自己作曲：「我哋反其道而行，做做吓演員走去唱歌，其實歌都作咗，但仲要編曲，希望今年成事，總之唔會係我唱，交畀佢哋唱，我就學極都唱唔得好。」

志文透露最近開始跟威廉學彈結他及彈琴，一於多張刀，開心得對方義務教導。至於Tania直言為演出緊張，事前有反覆練習。