東網電視
更多新聞短片
澤村一樹的18歲囝囝大貴首度亮相節目。
1/7
近年不少星二代相繼入行，演過不少日劇的51歲型佬澤村一樹，2000年同前模特兒老婆結婚後育有三子，18歲大仔大貴昨日便瞞住竇首度亮相電視節目，揚言有意入行做模特兒搵快錢。
澤村亮相昨晚播出的綜藝節目《閒聊007》，為明晚大結局的劇集《白衣之戰士!》宣傳。節目中途18歲大仔大貴驚喜現身，令事前毫不知情的澤村嚇一跳。擁有1米87身高的大貴，揚言想做模特兒入行，又講笑只有上電視至可以搵到快錢。節目後，網民留言話大貴雖然唔及爸爸靚仔，但身材高佻又夠瘦，相信可以在模特兒界有好發展。
大樹擁有1米87身高，好過老竇。
澤村有扮演出劇集《白衣之戰士!》明晚大結局。
大貴話想入行做模特兒。
網民話大貴同老竇唔多似樣，唔及老竇靚仔。
澤村一樹後生時做過模特兒，仲好靚仔。
