新劇收視理想!馬國明:朋友未見過我咁型

2019年06月18日 16:08
東網電視
更多新聞短片
馬國明話諗唔到收視咁犀利!

藝人馬國明出席劇集《白色強人》的宣傳活動,現場公布首集收視平均有28.7點,成績理想。馬國明坦言想不到收視如此犀利:「始終個劇嘅題材同以前唔同,香港劇比較少講醫改,唔係一般師奶劇,我覺得公司應該拍多啲唔同題材嘅劇,先知觀眾接唔接受到,所以今次好開心,第一日播已經收到好多朋友Whatsapp話好睇,證明香港觀眾好叻,可以接受唔同題材。(因為拍到你好有型,所以有助收視?)我唔敢講,但好多朋友都話未見過我咁有型。(有機會爭視帝?)我冇諗,最重要係劇出嚟大家鍾意,獎係錦上添花。」

對於收視的期望,他坦言當然越高越好,若收視好的話,請食飯很平常,問他有甚麼不平常的建議?他笑言:「要露嘅話就搵女藝人,向來話制服誘惑,我哋成套劇,個個都係女神。(你係男神,你會做咩?)你問安仔(郭晉安),我睇佢頭,要還就大家一齊還,好難推一個出嚟。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。