東網電視
更多新聞短片
邵音音（右圖左）對祥嫂死訊感愕然。
1/2
藝人邵音音與祥嫂相識，不時於慈善活動上相遇。東網致電邵音音提及祥嫂辭世一事，她大感愕然：「吓，咁大鑊？個幾兩個月前我仲同佢通電話，嗰時佢中氣十足。（好婉惜？）係，佢份人好善心嘅，曾經同我講過依家身邊邊個都唔信，佢新界有塊地，想用嚟起老人院，畀圈中冇依靠嘅前輩入住，佢叫我幫手搞，但我自己都體弱多多病，唔幫得幾多。」
而好友黃夏蕙在社交網留言：「人生最痛苦的事，莫過於好姊妹離世，自己卻不在身邊陪伴她走最後一程」令人心痛。黃夏蕙接受東網訪問：「最後一次見祥嫂係5月22日，因為翌日我就去美國，所以搭車去佢屋企攞洗頭水，當時佢好瘦。我喺美國都有打畀佢，但搵唔到人，只係佢身邊人話佢冇事，依家我點都會返嚟鞠躬嘅。」
謝雪心表示：「我我同祥哥祥嫂都好有淵源，祥哥做過八和主席，都同佢哋合作過，演咗一套清裝戲，套衫仲係祥嫂親自揀畀我！」
謝雪心難忘祥嫂。
