醫心漏病遺疤痕  「茗風」林子超克服自卑

20190702
東網電視
更多新聞短片
要加油呀!
藝人林子超(Andy)參加now TV《CEO選拔賽》入行,去年底簽約成為無綫藝人,憑劇集《宮心計2深宮計》演奸角「茗風」而為人熟悉。他坦言機會得來不易,甚至沒想過可以入行,因為他患有先天性心漏病,從小有醫生紙跟身,連體育堂也不能上,手術後在胸口留下一道10吋長疤痕。
半裸照修圖見人
他在社交網上載的半裸照,亦要靠修圖將疤痕掩蓋:「記得做完手術三年後,舊公司叫我去做一個節目關於柔道,淨係要我着柔道袍,我話唔得呀,做唔到,一定要着番件T裇喺裏面。」Andy指家人一直不贊成他當藝人,因為擔心其身體狀況:「大個加入演藝學院學跳舞,嗰年最辛苦,我讀完一年之後,醫生就話要做手術,連埋暑假我抖咗四、五個月,開學之後有兩個月郁唔到,只係睇其他同學跳舞,覺得點解要咁作弄我?」故他從小自卑,總給人柔弱的感覺。
停工2年零收入
入行第八年,Andy離開now TV後,試過兩年冇工作:「我係一個公屋長大嘅年輕人,冇好嘅家庭環境支持,但又好想做呢樣嘢(藝人)。當時我由原本有萬幾蚊底薪,突然之間冇晒錢,試過出街想買杯嘢飲都要諗一諗,心諗不如捱多一個月,如果都冇機會就轉行去做空少。」當時幸得家人經濟上支持,Andy才可渡過難關,但他心中有愧,故決定轉行,豈料這時候奇迹出現:「到我想放棄嗰個月,就有機會入TVB做兒童節目教跳舞。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。