胡定欣否認未續約冇劇拍：只係想做好啲

藝人胡定欣出席新劇《包青天再起風雲》宣傳活動，她稱十分期待新劇，因為自己已相隔一年沒有劇集播出：「我一直都擔心自己今年冇劇出街。同其他同事講起先發現，我近兩三年嘅劇都係暑假播出，而且成績同收視都好好，希望今次都係。」有指定欣因不續約無綫而冇劇拍？她坦言《包青天再起風雲》的確是她現時最後一套劇：「之前有套劇原定六、七月開，但最近收到通知係取消咗，而呢一刻係未收到消息有乜劇會拍，不過拍唔拍唔關我嘅合約事，因為劇本上想做好啲同埋有啲嘢要處理，或者將來會拍。（你幾時約滿？）仲有段時間。」

有傳無綫有意邀她與舊愛馬國明合作新劇，她表示對方所拍的劇集沒有她的份兒，自己也希望能跟馬國明合作，至於網民想兩人復合？她說：「大家講笑，因為佢有劇出，所以多咗唔同話題，佢套劇有好成績，我都戥佢開心，我都有睇。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。