飛起張致恒!關智斌9月單飛紅館開騷

2019年08月02日 18:08
東網電視
更多新聞短片
Kenny終於圓夢!

關智斌(Kenny)受到好兄弟張致恒桃色風波所累,BOYZ的紅館夢擱置。不過剛剛收到好消息,英皇為Kenny圓夢,宣布9月為Kenny開紅館騷:「各位媒體朋友,第一時同大家分享這個好消息!公司已得到紅館確認申請,Kenny關智斌將於9月踏上紅館,實現他多年的夢想。英皇手足容祖兒,古巨基,張敬軒,TWINS全力支持。因剛剛才得到確應,一切全速進行中,詳情於日內盡快公布。再次多謝各位對關智斌的愛心與支持!」

對於9月演唱會失而復得,Kenny回覆東網說:「我真係好開心好開心,因為好多謝大家支持,特別係傳媒朋友、公司一班兄弟姊妹同埋網民,佢哋喺過去一個星期幫我集氣,跟住多謝好多傳訊息畀我嘅藝人朋友、所有fans,因為係你哋不停嘅支持,先促成到紅館肯畀我開呢次演唱會,之前冇諗過成件事能夢想成真,依家成事特別感恩,不過我覺得依家最重要嘅係用呢段時間,將所有注意力都擺喺呢個演唱會入面,先唔會辜負大家對我嘅支持,我一定會百分之二百去呈現呢個good show畀大家睇,話畀大家聽我值上呢個舞台,多謝大家。」

關智斌亦在社交網晒爆肌相冧粉絲,他留言:「我,關智斌,舉行首個紅館演唱會!沒有試過激動到腦袋發熱,想不到任何字去形容我的心情。我⋯唔知講咩好。不過一定要感謝為我集氣的每一位網民!這件事不單止關於我,是關於你們成就了一件不可能的事!」

---------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。