親身上陣拍打戲　「馬漢」譚坤倫大騷真功夫

無綫藝人譚坤倫（Alan）喺熱播劇《包青天再起風雲》中飾演「開封七子」嘅馬漢，劇中有多個武打場口都親身上陣，唔少網民大讚佢睇得又打得！不過其中一場NG足足10次先成功過關，更導致佢膊頭受傷，佢表示：「當時入面都攝咗護墊，但依然係好痛，隔咗成個星期仲見到有條傷痕！」

曾學過武功嘅Alan直言今次能學以致用：「本來我戲份唔太多，但後來因為武師知道我有學過功夫，就畀多咗機會我去發揮。好開心可以將以前學過嘅嘢運用喺螢光幕上，之後仲得到剪片師嘅認可，佢話呢10幾年已經冇演員親身上陣，所以會一鏡不剪，原來付出有人睇到！」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。