驗足四次孕！葉翠翠手震宣布第三度佗B

現年37歲嘅前港姐冠軍葉翠翠本身育有兩個囝囝「小王子」及「小小王子」，今日佢就透過社交網宣布第三度懷孕，實行4年抱3。佢晒出一張超聲波圖，並留言：「本來都沒有打算再來一個，可能上天覺得我哋屋企未夠熱鬧。。這幾星期都沒有做直播，因身體覺得好累，妊娠反應，現在好了很多，下星期開始可以同大家直播了。但也希望給未能懷孕女士一點希望，我都曾經花了一年以上調理身體睇中醫，食補充品幫助自己，如果不是有婦科疾病的女士，只要找對方法，願意去試，堅持都能懷孕的。加油！*今次連懷孕咗都唔知，發現好似咁耐都未月經呢，然後睇吓時間表，見到遲咗一日，便試下用驗孕棒。。。嚇到手震。」之後佢又在留言中透露原來前後驗了四次孕，才接受第三度懷孕的消息，並晒出驗孕棒照片。

葉翠翠嚇到手震：驗完一次以為壞咗

東網聯絡上葉翠翠，她興奮表示：「自己都嚇一嚇，因為本身無諗住生第三個，曾經係有諗過生，但都覺得唔好喇，照顧兩個小朋友夠喇。咁跟住後來數數日子發現咁耐都無月經，平時都好準，因為之前好努力想要小朋友但都無，所以屋企好多驗孕棒，同排卵棒，即刻膽粗粗去驗。試完一次以為壞咗，試到第三支，我就打畀中醫問會唔會驗錯，佢話唔會，仲話我補身補得太好，以前搞咗年幾都未成功。收線後我再試第四個驗孕棒，知道個結果覺得都係真嘅，自己都手震。」

爆老公好開心

問到丈夫得知將再做爸爸後有何反應，她表示：「其實生完第二胎後我係話想第三個，但當時老公反對，話因為怕會好辛苦去照顧，佢都說服咗我唔再生第三個。到今次證實咗之後我同佢講，好奇怪地佢又好開心。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。