梁舜燕病逝 孫仔:佢話一生無憾!

20190813
東網電視
更多新聞短片
梁舜燕一生奉獻給演藝圈!
「上等人」梁舜燕病逝,其愛孫阮浩棕(Nicholas)接受訪問,指嫲嫲因機能衰竭離世,離開時子孫全部陪伴在側,遺容安詳,他說:「嫲嫲入院超過一個月,因為持續發燒,做咗好多檢查,之前有指佢有癌症,我哋唔會否認,但唔想多講,而今次離世嘅原因係機能衰退,始終佢都九十歲,走嘅時候好安詳,家屬都喺身邊。」
希望出院拍劇
阮浩棕指嫲嫲一生奉獻給演藝事業,今次入院都曾經說過希望盡快出院,可以繼續拍劇,可惜未能如願,阮浩棕透露嫲嫲之前已跟他說過,自己已一生無憾!談到最捨不得嫲嫲甚麼?他頓一頓才能繼續說:「我唔想講太多,只想講,嫲嫲嘅工作態度同做人修養,都係我一個好好嘅榜樣,尤其佢永遠都會懷住一夥謙卑的心,好值得我去學習(喪禮會用甚麼儀式進行?)佢係一位虔誠嘅天主教徒,會用番天主教儀式。」阮浩棕亦代表屋企人向香港觀眾致謝,感激大家對嫲嫲的鍾愛:「我哋好想多謝香港觀眾對嫲嫲嘅愛戴同愛護,冇咗你哋,都唔能夠成就到嫲嫲喺演藝界六十年既精彩傳奇,好多謝大家。」
另外,阮浩棕於IG留言:「感激各位對嫲嫲嘅愛戴。嫲嫲走得好安詳好靚,依舊優雅高貴。」