東網電視
更多新聞短片
大家唔好咁激動住，最後啲相先係重點！
1/17
被喻為「零死角美女」、內地女星迪麗熱巴顏值極高，一出道就已經係國民級女神，本身係新疆美女嘅佢，原來仲偷偷收埋咗個顏值Level一樣高嘅表妹蘇比，睇佢放社交網嘅自拍張張都鬼火咁靚，五官深邃又身材苗條，望落Perfect到成隻公仔咁款，佢仲要同表姐一樣鬼鬼哋，有指佢目前做緊練習生，最近佢參加埋國民校花比賽，靚樣正式曝光！
蘇比參加嘅校花大賽會選出10位少女爭奪國民校花冠軍，勝出者將有機會簽約入娛樂圈拍戲，「迪麗熱巴表妹」呢個頭銜就已經為佢帶嚟好高關注度，不過喺官方發布嘅參選照片中，運動Look示人嘅佢同自拍明顯有分別，而到咗校花活動見埋真人，白色恤衫學生Look上陣嘅蘇比竟然走晒樣，個樣同熱巴愈睇愈唔似，顏值亦同佢放嘅自拍差天共地，同一套衫官方相同自拍好似兩個人咁，即使佢依然少女味濃，可惜反差太大，唔少網民直言佢啲自拍係照騙，唔太睇好佢贏比賽，民望直插谷底，唔知佢最後仲有冇得翻身呢？
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
唔好認錯，佢係迪麗熱巴表妹蘇比。
化埋妝直頭迪麗熱巴咁！
索出天際。
睇嚟佢哋一家人顏值都好高喎～
喂！換咗人咩吓？
宅男們，都係面對現實啦……
蘇比素顏都唔錯㗎。
真係好靚女啵～
久唔久仲露埋小蠻腰添。
點知一睇官方圖，好似…有啲唔同樣嘅？
同自拍真係差好遠。
就算唔化妝都依然眼大大。
唔怪得睇到班宅男嘩嘩聲！
細個同表姐迪麗熱巴（上）合照。
校花活動佢嘅自拍都仲Keep到水準。
就算其他活動照都係咁…
