梁舜燕設靈　胡楓內疚：未能完成佢心願

藝人胡楓到靈堂致祭梁舜燕，接受訪問時，他一度眼濕濕，直言梁舜燕的離開，好多朋友都會感到哀傷：「佢人緣非常之好，係女性嘅典範，我對佢離世除咗唔開心之外，仲有一份內疚，因為若干年前，我同佢拍戲嘅時候，哼咗一首歌《One Day When We Were Yonug》，之後我哋一齊唱，非常之夾，佢有個心願話想同我喺電視上一齊唱，我當時都答應咗佢，但到依家都未唱到，未能完成佢嘅心願，不過，好彩去年佢生日嘅時候都唱咗，都算係內疚中嘅一點安慰，還咗佢嘅心願，希望佢在天之靈得到安息。」胡楓指梁舜燕生前會跟她一起吃飯，亦有試過送對方回家，她必定不停致謝，相當有禮。

入行超過六十年的梁舜燕，於娛圈廣結善緣，不少藝人前來致祭，當中包括契仔李克勤與太太盧淑儀、劉少君、汪明荃、張彥博、譚凱琪、于淼、曾勵珍、鮑起靜、譚俊彥、宣萱、關寶慧、胡定欣、姚子羚、譚倩紅等，譚凱琪與張彥博離場時眼濕濕；李克勤夫婦逗留個半小時離開，沒有接受媒體訪問。