恭喜！曾國祥王敏奕晒婚照公布喜訊

藝人曾志偉兒子曾國祥（Derek）同王敏奕（Venus）早前被東網率先爆於今日（6日）喺日本舉行婚禮，兩人剛在社交網上載婚紗相，正式宣布婚訊！王敏奕以長䄂婚紗上陣相當保守，而曾國祥就抱起佢，笑得相當燦爛！佢哋仲一齊喺手指位置紋上有戒指圖案嘅愛的紋身，曾國祥手指紋上9畫，而王敏奕手指則紋上6畫，估計就係代表佢哋結婚日期9.6意思，認真Sweet爆。

曾國祥喺社交網發文指自己「已婚」，又多謝各界祝福：「Just get hitched!! 多謝各位兄弟姊妹和記者朋友們的祝福和問候！感謝每位祝福我們的人！感恩！」而王敏奕就留言：「06.09.2019❤️ #DVMMXIX」唔少圈中好友，包括方力申、張繼聰、王君馨等都紛紛送上恭喜。

---------------

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。