婚禮場地曝光！曾國祥飛奔進場同老竇握手

藝人王敏奕（Venus）今日與曾國祥（Derek）喺日本舉行婚禮，雖然未知有幾多圈中人到賀，但其好姊妹陳瀅就率先喺社交網上載咗張喺森林影嘅相，雖然佢冇透露喺邊，但就喺相上寫咗「V & D」，現場擺放長椅及花圈裝飾，相信係婚禮現場相！

之後佢再上載行禮片段，新郎哥曾國祥入場時非常興奮，張開雙手跑進場同兩邊賓客拍手，仲同爸爸曾志偉握手，場面溫馨！未幾，身穿V領婚紗嘅王敏奕翹實親友入場，期間兩位花仔花女亦步出沿路灑花瓣，新娘子就全程Keep住甜笑，幸福滿瀉！見現場雖然落雨，但亦無礙一眾賓客嘅心情，繼續向一對新人送上祝福。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。