可遇不可求！王鎮泉有幸欣賞極光

無綫娛樂主播王鎮泉（Jeoffrey）早前為無綫節目《出走地圖》到俄羅斯拍外景，首站與台灣女主持到摩爾曼斯克拍攝極光，該節目日前已播出，獲得不俗反應，令Jeoffrey開心不已，他說：「好多朋友打嚟話估唔到俄羅斯有得睇極光，又問咗好多去嘅方法，好有滿足感，始終呢個航線少人去，原來都係極圈入面，因為事前要Check好多嘢，例如要睇個極光指數高唔高。」更指慣常等待睇極光時，大多呆企戶外捱凍，但該處卻能身處落地玻璃的酒店房內慢慢等，還有暖氣供應，當望到極光出現便立刻衝出去：「睇到嗰刻好感動，都知道呢啲係睇運氣，有舊雲又睇唔到，同埋真係要戴耳罩，我就借咗畀女主持，結果對耳硬晒，拍完冇晒感覺。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。