囡囡小豬比化身萌爆鬧鐘！單文柔投晒降

前港姐單文柔（Phoebe）今年4月為老公陳展鵬生咗囡囡陳諾瑤（小豬比），依家有女萬事足嘅佢不時晒出小豬比可愛萌照，見到5個月大嘅「小豬比」瞓喺床上面揮舞手仔，又嘴擘擘叫Phoebe快啲起身陪佢玩咁。不過Phoebe就投晒降話：「畀我瞓多陣pls」新手媽媽認真唔易做！網友都大讚小豬比萌到爆，仲話如果有呢個咁可愛嘅人肉鬧鐘，一定唔會賴床呀！<br/><br/>另外，單文柔為「小豬比」舉行了六個月大嘅生日會，一班美女學徒成員鍾晴（karlie）、魏韵芝（Joyce）和劉穎鏇（Tiffany）都有出席，更安排一個好靚嘅生日蛋糕，點知鍾晴竟然忘記帶生日蠟燭到場，搞到「小豬比」冇得吹蠟燭。單文柔代女兒在社交網發文表示「YEAH !!! 我六個月啦，大個女啦～多謝咁多位靚姐姐同我慶祝生日，希望天下寶寶同我都身體健康，開心快樂，爸爸要開工，蛋糕mami代食，Karlie姐姐攞漏我最鍾意蠟燭。」<br/><br/>---------------<br/>立即參加「賞您睇」： https://tinyurl.com/y2e6pmwk <br/>Click下面粒掣，儲on.cc coins！機票、家電、超市禮券、過萬份獎品等緊你。