譚小環演過氣歌手 徐天佑拍愛情劇老婆冇詐型

2019年10月09日 19:42
東網電視
更多新聞短片
藝人徐天佑與譚小環出席ViuTV節目巡禮。
藝人徐天佑和譚小環為ViuTV分別參與劇集《二月廿九》和《娛樂風雲》,天佑稱初出道經常拍鬼片,起初以為這劇都是鬼片題材,原來是部科幻青春片,12月便到北海道拍外景,預計逗留兩星期。問他與女主角可有親熱戲?徐天佑表示:「暫時看劇本未見有,老婆知係愛情劇都冇詐型。」
提到日前其組合Shine解散傳言,徐天佑表示不再回應。而其經理人錢小姐接受電話訪問時稱:「唔係拆夥,唔好用呢個字眼,天佑同黃又南只係暫時分開發展,有機會會再合作,其實喺年頭已經開始咁樣作個人發展,只係冇公布,亦唔關最近嘅社會氣氛事,佢哋都三十幾歲人,想佢哋可以做到獨當一面。」
而譚小環稱開心與李麗珍、張慧儀和葉蘊儀合作。問到可有開金口唱當年歌曲《如果天空要下雨》?她笑言:「咁又冇。不過喺劇中飾演過氣女歌星,一班人都有一齊唱歌,初頭有少少怯,唱現場又有,入錄音室又有,有少少壓力,好耐冇入錄音室啦。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。