唔聲唔聲嚇一驚　楊思琦宣布結婚兼佗B！

現年41歲的楊思琦視愛女Krystal（楊卓穎）如命根，作為單親媽咪嘅佢獨力照顧Krystal，寧願慳自己也不會慳囡囡，希望將最好的給女兒，不過今日就有指佢肚凸凸現身，驚傳再懷孕！

成功慳出半億磚頭嘅佢，上月到韓國首爾街頭拍攝節目時，就已經被網友偶遇，見佢雖然身穿鬆身上衣，不過腰圍脹起，纖幼手腳更顯得肚凸凸，孕味非常濃，不過見佢自己喺社交網上載同一套衣着嘅Snapshot就唔見肚，依舊瘦削。而5日前佢上載到大陸出席商演活動嘅相，佢再次一反常態棄性感衣着，改以鬆身衫示人，令佗第二胎嘅傳聞更甚囂塵上！

楊思琦回覆東網時，直認懷孕，更宣布年中已與圈外男友在外地結婚：「多謝大家祝福，喺年中嘅時候喺外地同圈外男朋友註冊結婚，我終於可以同大家講呢個好消息，我已經搵到我嘅愛的森林啦！穎穎都好開心做家姐。」

對於老公的身份非常口密，她解釋說：「佢係圈外人，唔想影響到對方，所以先低調處理老公同BB。（老公係咪之前傳緋聞嘅高健行？）唔係，老公係由朋友介紹。（點解咁遲先公開喜訊？）之前怕BB小器，但主要係唔想影響另一半同BB，都係計劃之內，所以就冇刻意去公布或者隱瞞，順其自然，大家發現嘅話問到我會認。」又指會照舊為賈思樂擔任演唱會嘉賓。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。