譚杏藍笑潘伯仲「大Red唇」

歌手譚杏藍（小花）上電台宣傳新歌《春麗回憶錄》，特邀師弟潘伯仲唱Rap作新嘗試：「係首快歌，除咗加入Rap之外，仲會跳舞。」又自爆欣賞師弟個嘴夠厚：「所以先請佢做Rapper，仲幫佢改咗個花名叫『大Red唇』。」潘伯仲笑話：「因為呢個班底之前有合作過，又好欣賞小花夠百變，駕馭到唔同曲風。」正互笠高帽之際，小花再爆：「佢成日都睇我啲化妝片，想學化細個唇，個MV都係近鏡影佢個嘴，係佢要求！」

講回新歌，小花指：「係講女主角幻想打緊機，見番好多以前嘅男朋友，一個一個咁踢走佢，最後就係潘伯仲，得佢打贏到我、食得住我，其實打者愛也，個角色都好Tough。」笑問私下是否都食住男友恆仔？她笑話：「係佢食住我，冇咗佢我就最勁！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。