網爆阿Sa有咗　霍汶希：梗係唔係啦！

藝人蔡卓妍（阿Sa）與圈外男友石恆聰拍拖以來，為保護男友阿Sa一直堅持低調戀情，但兩人愛得好鬼甜蜜，早前男友更以「準女婿」身份出席Sa爸的生日宴，盛傳兩人今年會拉埋天窗，但阿Sa早就否認，不過Sa都為將來未雨綢繆，為了生B已經做定兩次「雪卵」。

近日網上盛傳阿Sa「有咗」，不過因未夠三個月，怕BB「小器」，所以未敢向外公布。阿Sa經理人霍汶希（Mani）向東網否認：「梗係唔係，流料！」據知阿Sa今日到過醫院，所以引來誤會，Mani解釋：「阿Sa呢排覺得個下巴肥咗，唔明點解咁瘦會有雙下巴，去睇醫生，醫生覺得佢下巴入面腫咗，建議佢去照磁力共振掃描，先知佢淋巴腫脹，醫生指佢抵抗力及免疫力弱，最初阿Sa唔知咩事梗係驚，因為佢完全唔痛，醫生話食藥就OK，所以佢就放心晒。」

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。