【睇到暈】《大帥哥》演員飯敍網民要求…

由張衞健領軍嘅劇集《大帥哥》，上年年尾播出時大獲好評贏盡口碑，一班演員合作咗半年變晒好朋友，呢日佢哋終於有時間約出嚟聚一聚，楊秀惠就喺社交網上載咗條片，佢將部電話擺咗喺枱上面個轉盤度，一路轉住畀大家睇吓有乜嘢人出席，當中有張衞健、洪永城、蔡思貝、曹永廉、譚凱琪、徐榮、李嘉同張達倫，可以話係主要演員大集結，當中徐榮同張達倫仲帶埋屋企人一齊嚟，不過條片都轉得幾快，苟云慧就喺社交網留言話睇到暈好搞笑！<br/><br/>唔少網民見到《大帥哥》班底咁齊人出席，都話回憶返晒嚟，紛紛留言話希望呢個班底可以快啲拍續集。