靠陳煒克服食田雞！王梓軒：望住佢乜都甜

藝人陳煒與王梓軒接受電台訪問，大談合作無綫新劇《多功能老婆》點滴，同聲指二人首場邂逅戲共拍攝了一個月，陳煒表示：「第一次拍完覺得唔夠Shot要補拍，第二、三次落雨，到第四次先拍到，不過事前都排咗好多次。」

少少鍾意咗佢

談到二人將於劇中談情，期間陳煒更要帶梓軒食田雞，惟現實中的他卻相當抗拒，梓軒說：「真係恐怖，煒哥不嬲識食同煮，但場戲真係驚驚地，我仲要食到津津有味咁。（點說服自己食？）望住煒哥就乜都甜啦！（你現實中會唔會鍾意咗佢？）少少啦！但要勒住，唔小心會墮進咗，到時醫生（陳煒男友）會嚟搵我。」

醫生男友唔擔心

談到劇中也有咀戲，陳煒坦承沒有阻止醫生男友觀看，更說：「梓軒都見過我男友，佢仲叫我男友放心，手仔都冇點掂過，男友都讚梓軒係好男仔，又斯文。（男友對你有信心？）冇乜嘢呀，平時都好多親熱戲。」梓軒聞言笑說：「佢一見我就覺得唔擔心，覺得女友點會鍾意我呢類型嘅男仔呢！」