林峯婚禮改期　吳卓羲：佢開心咪得囉！

藝人吳卓羲（Ron）出席澳門國際影展，他透露剛剛拍完手頭上兩部電影，其中一部由葉念琛導演，他說：「好開心同葉念琛合作，因為大家成日講合作，但次次都唔得，今次喺好短時間就傾成，今日去傾故仔，過咗四、五日就開工。」他覺得個劇本幾好，是他從未演過的驚慄片，跟湯怡、何佩瑜與潘燦良合作，他與湯怡飾演一對夫妻，他說：「我覺得湯怡喺戲裏面做得好好，潘燦良都係我好鍾意嘅演員。」而另一套電影則由文藝片，他好開心在電影方面有新嘗試。暫時他可以休息，新年過後就為電視劇《飛虎3》開工。

談到他老友林峯與未婚妻張馨月婚禮改期，他說：「佢都冇同我講過，好老實我哋都係睇報道先知。（你哋唔係有飯局，佢派帖咩？）冇，派帖嗰個係陳山聰，我都係知道先問佢『喂！你結婚咩？』，佢就『哎！』我都冇考究，唔問啦，佢公開咪講，始終都係佢兩個人嘅私事，佢開心咪得囉！（咁佢都要度你期出席佢婚禮嘛？）佢結婚我逃工啦，佢婚期幾時呀？我知嘅我話你哋知，佢好大膽唔話畀我聽，我有咩實篤佢。」