問准外父先求婚！鄭俊弘何雁詩年底海外圓婚

歌手鄭俊弘（Fred）與何雁詩（Stephanie）踏入2020年即公布結婚喜訊，並晒出婚照放閃，二人回覆東網時表示多謝大家的祝福：「在拍拖這兩年半間，我們學會如何尊重和體諒對方，感恩能一直風雨同行、互相扶持。我們除了是情侶外，亦是最好的朋友，實在很期待展開人生新一頁共諧連理。」他們透露Fred在求婚前原來先問准了Stephanie的爸爸，然後在旅行途中求婚：「亦特意安排了朋友和家人秘密出現，十分感動和驚喜！我們的海外婚期暫時計劃於年尾，至於香港會否補辦酒席還在商討中，有任何消息必定跟大家分享。最後，亦祝福大家2020年身體健康！」

而歌手譚嘉儀祝賀一對好友，她說：「好戥佢哋開心，恭喜佢哋，終於拉埋天窗，見到佢哋一直都sweet，Fred又好錫佢，佢又好照顧阿Fred，我知佢哋嚟緊年底喺海外結婚，我都會過到去，希望到時去到啦，可以見證住佢哋世紀嘅婚禮。」好友蔡思貝接受訪問對於兩人拉埋天窗表示：「超級無敵勁開心，一知道嘅時候真係開心到落淚，祝願佢哋兩個一輩子幸福，相親相愛。」歌手Cheronna回覆東網說：「我都算係第一班知道嘅朋友，好開心，真係好開心，嗰種心情好興奮，因為喺我哋班朋友裏面逐個逐個開始拉埋天窗，最近我又參加咗啲唔同婚禮，我全部都覺得好感動，好戥佢哋開心。（你自己心唔心急？）我冇恨嫁，有就有，冇就冇，冇乜所謂，暫時我祝福人就得㗎啦。」