又扮F4？郭子豪為新劇用4粒鐘駁髮

大隻藝人郭子豪為事業一向願意接受新嘗試，最近他為新劇《食腦喪B》轉新Look，駁了一頭長髮，驟眼看以為他再扮「跳躍F4」，喜感十足，不過今次是真駁髮而非戴假髮，他說：「劇集係個輕喜劇，看了劇本後感覺非常有意義，會帶出好多人情世故，而且又有好多喜劇元素。大家敬請留意！我駁頭髮足足用咗我三次、每次四小時去完成，我唔想戴假髮，希望呈現到一個更真實的人物，希望大家到時多多支持。」另一日他約埋同劇的兄弟何廣沛及方紹聰行山，更大擺網紅心心Cutie甫，並留言「我們是IG女神，我哋靚唔靚jekkk！」大家又是否頂得順？