酬勞滿意望加薪　周家怡視英皇如大家庭

藝人周家怡現身英皇電影《我的筍盤男友》首映，宣布加盟英皇旗下，並簽約5年，她說：「希望嚟緊多啲唔同電影嘅角色嘗試，公司好家庭式，個個都好好，之後會有好多聚會。（有咩新工作？）未有。（想同邊個合作？）唔敢講，驚得罪人哋，作為演員個個都想嘗試。」更指公司自由度大，讓其自由亮相其他電視台。

問加盟價可感滿意？家怡指酬勞理想，但希望有增加。問可足夠買樓？她說：「依家啲樓咁貴，應該夠買個廁所。（目標今年買樓？）希望買到一家人住嘅單位，不過其實我同朋友都夾份買咗個兩房單位投資，2022年收樓，所以呢兩年要努力工作儲錢。」

而有份演出的郭奕芯則性感登場、吳家麗卻聲沙沙抱恙，老闆楊受成就率領旗下藝人吳浩康、何珮瑜、泳兒等撐場，場面熱鬧，期間一眾主演與現場觀眾玩遊戲，及後又齊齊進行「撈起儀式」，寄望影片票房大收。