【思靈阿龍合體】汪明荃辦年貨捕獲發哥

就嚟到新年，個個都趕住辦年貨，「阿姐」汪明荃都唔例外，繼早前親自整蘿蔔糕後，今早就落咗九龍城Shopping！阿姐出巡唔係畀街坊集郵，而係佢集番人哋郵！講緊嘅就係「九龍城地膽」周潤發呀！<br/><br/>阿姐喺微博上載幾張相，發哥揸機同阿姐及一班「真阿姐」自拍，阿姐留言：「今早去九龍城辦年貨，竟然碰到發哥（周潤發），真係行好運！​​​​」唔少網民都諗起佢哋1981年套經典劇《千王群英會》，「思靈」同「阿龍」難得合體，好令人懷念呀！