黃嘉雯提早過外國版農曆新年：滑雪好Chill

港姐黃嘉雯（Carmaney）、王菲及黃庭鋒、胡㻗今日盛裝出席無綫明珠台《浪琴表香港馬術大師賽2020》的記者會。Carmaney指曾跟朋友一齊去學策騎約2、3個月，覺得是一個需要大膽的運動項目：「雖然學嘅期間都好Enjoy，但一啲都唔容易，每次上堂都會好驚，控制得唔好會被恰番轉頭，唔受控制周圍去。」笑問駕馭男友技術較佳？她笑言：「動物係難控制啲，我唔會控制男友，好自由，會互相遷就、體諒。」

講到Carmaney於剛過去的聖誕節孖男友去瑞士過節，她指感覺似過外國版農曆新年：「去咗10日，每日都好Chill咁滑雪、室外溜冰，好開心。」新年去拜年會驚被催婚？她笑指唔驚：「屋企人都知我事業啱啱起步，先Focus喺事業。（就嚟選華姐，唔敢食太多？）唔會食咁多炸嘢。」

至於王菲就話都想學策騎，希望之後拍古裝戲會用得上，談及今個星期就是新年，她透露會去男友家拜年，問到家人會催婚？她笑說：「唔會，屋企人都明白我依家事業為重，男友年紀同我都差唔多大，佢都想努力工作。」